هوسات حمد العموری
الله راد النه الکرامه وتاج عل هامه نصب
واحنه نتباهه ابمحمد چه رفع راس العرب
الغیره مطبوعه اویه دمنه او من ینـط عرج الغضب
احنه ابأولهه او تالیهه
***
ثوبک لو سمل موعیب تگدر باچر اتغیره
بس اللبس ثوب الناس اول ما هله اتعیره
بالک من یصیر اضباب طیر البیدک اتطیره
ما یرجع لو طگ اجناحه
***
مثل ماهی الحقیقه او صدگ من گال المثل
لیش یتحمل ثگلهه الما إله ناگه او جمل
اهوای ناس ابلا درایه انگادت ابچف الجهل
والجاهل بینه انگص ایده
***
ابهل طبع ربونه اهلنه او علمونه أحسن درس
انموت مثل النخل وگفا وهامنه ابعلو الشمس
البطل ابداً ما نریده او مانحب بیت النفس
الحگ من یجبل کلنه اویا
***
المواقف للزلــــم عنوان بیهن تکبـــــر العزه
واکید المهــرته اکحیلـــه یغیــــــر اباول اللزه
البی شمرت زلم معلوم مثل الجبل شی هزه
کلما یحتر شبت ناره
میثم العنبری 
