هوسات عله الخوال
الخال اهلال بسمای او یشع نـــــوره
ابتسم من شافنی اورحب اوفک دوره
ابوکت الضیج بل حد هوه ناطــــوره
یا هیبه او یشهد دلالـــــــــــــــــی
الجواب:
ابن الاخت من الخال ثلثین الولد منــــــــــــه
من صغره فرحت اعلیله خصوصاً من بزغ سنه
مثل اولادی احن اعلیه ابضیجه ما افرغنـــــــه
من جائه ابسوء اتصدالـــــــــــــــــــــــــه
***
اشلون اجبر هل محبه اشلون افسّر حبی الــک
انته شمعه و ابهوانه ضاویه ابدور الفلـــــــــک
امر و انهی علیه الجسم و الروح ابفـــــــــداک
ما تنام العین و انته ساهر ابضیم او عـــــزاک
گول و ادلل علیه الخال ابو ثانی انکتــــــــب
بل شرع و العرف رسمه بل مواضیع انحسـب
انت نخله او عالی صیتک چا بعد وین العتـب
یا خال ادّلل لو شفت احفادک بیهــــــــــــا
الجواب:
اشکرک یبنی ابد لیلی رسمک اکتبته ابزهـور
انت ورده ابکل حیاتی انت بوجودی تنـــــور
من اصل ادری القضیه جدک ایحن عل عمام
لو سمع عیله خفیه لیله کله ماینــــــــــــام
گلبه فرشاه للی زاره او رحب الضیفه ابفـرح
شجره او فیهه غطاها العاجز ابجاله انطــرح
انت من های الاسود احدودها ما تنوصــــل
بلحب اشوق او محنّه امن الادب ما تنفصــل
و المضایف تشهد الهم و الاجواد الجالسیــن
الدله و الگهوه ابحفلهم هل احفاد الزاهرین
خالک یتمنه الدله اترن الخطـــــــــــــاره
***
بعد ما اچحی یخالی النجمه ضیهه امنل شمـــــــس
انتم الحاتم نسلکلم فارش الصحرا ابخیمه قبل امس
نشعه النه هل الخوال اعزاز عدنه ابگلبی احـــــس
لو صخّن خالی جسمی ابتابوت اعلومـــــــــــــــه
الجواب:
الله لایرحم عدوکم هل حسد شنهــــــی دواه
الزین یتساهل حمیده لحّد ایعایــــــــن وراه
بل شجاعه او بل کرامه امغرب الربعه او خواه
بل جنه انفتحت بیبانـــــــــــــــــــــــــــــه
***
کل شجاع او حید گومه یشهد اعلاء او کـــره
های امراض الخفیه امطار صبخه او ماطــــــره
الزین من حگنه نحمده ورده بل حگ زاهره
ماذل لومیه ایذمونـــــــــــــــــــــــــــــه
الجواب:
گال ربنه و ابکتابه الجنه مفتوحه الابــــواب
عشره من جیرانه تقضی راضیه ابعز او ثواب
اعمال بل خیر الله خلّه التطرد الشر و العذاب
کل مسلم الله ایتچیلــــــــــــــــــــــــــه
***
اتمنّه من رب البریه نجمک ایکون ابعله
یا خال انت المزهریه و انه بیهه السنبلــه
الله یطرد کل مضالم امحصن انت امنل بله
یهلال اتهل من ادیــــــــــــــــــــــاری
الجواب:
اهلالی هل او کصر فیه علی ابن اختی او شفت صیته
حب اله ابگلبی عجایب ابنفسی مذکوره وصیتــــــه
انت روحی او جسمی ذایب ذهب صافی من لگیته
هل ذهب الصافی ابیا معدن شدارکانـــــــــــــــه
میثم العنبری 
