اشعار عتاب
بسک بس یهل نمام بس روح
إترکنی اویل هله ظلموه بسروح
بگی بس روح وأنا ابگیت بس روح
اوجریب الشوگ یکتلنه سویه
***
لیلبگی من العمر منطر صبح یالیل
أسف واخلصت باالتهلات یا لیل
اجه یرکض بیاض الشیب یا لیل
شباب العاش کل عمره بأذیه
***
وبلهما فاده الحچی الواشی وبله
یوشی وحلف بل کعبه وبله
آنه وناگتی و ناهی وبله
نبچی و للموادع غدت لیه
***
بلسانی العلیل ایلوج یـومای
ومن حزنی گرب للموت یومای
دمعة حزن تهمی العین یـومای
اهل ادمـوعی دم لبن الزجیـه
***
مثل حزنی حزن ما شفت والمای
ولا تـلاوم علیـه محب والمای
عجیبه من الفرات انحرم والمای
ابویه عراق و افدی بل منیه
***
ابیوم اهلال شهر الحزن منهل
بجیت آنه وجریت الدمع منهل
تـذکرنی الغرب ابیوم منهل
على الفراک حتى کلیبی کطعته
***
غریبه ولاوطن عندى ولادار
وحولک ما خلص یبنی ولادار
یبنی اجفاک مرمـرنی ولادار
بحلیبک یاحبیب تعود الیه
***
ولیدی راح من ایدی واهو شاب
وشاب الراس لفراگه وهو شاب
ما شب نـار دلالی وهو شـاب
نیرانـی ورحل مـن بین ادیـه
***
شجیت انه وجریت الدمع منهال
وحنیت الضلع یوم الصاح منهال
صحت ویلاه یا ویلادی منهال
علیکم صحت وین الی یجاوب علیه
***
شکول للحر ما واحد نجلهـا
وچم حره انچتل باالعراق نجلها
المدینه ما نحب نوصل نجلها
نرید انخیم بـوادی الـمنیه
***
علینه اطلع یبو صالح ولمنـه
تراها الناس ماداوت والمنـه
انت الامـل یلغایب والمنه
وبلسم انت لجروحی الخفیه
***
یا صاح الدهر عگبک هضمنی
وطحنی ابین چفینه هضمـنی
اتمنه افتح لحـد گبرک ها ضمنی
ودخلصنی یا بویه داروا علیـه
***
تعال وشوف کلبی من بعدکم
حزین ومایحب احد بعدکم
لوطال العمر وانتو بعدکم
یضل حبکم بکلبی للمنیه
***
بعد لاتظن اراسلهم وصلهم
بسبب لن جان قطعو وصلهم
ارخصک هل العاذل وصلهم
انتهیت بعد لایمرون بیه
***
شخص الزین وســـفه الوکت چنـــــــه
وجعـــــل شین الزلم جیـــــدوم چنـــــه
گـلایـد جیــــد مجــــــد الـــدهر چنـــــــه
وریــــاحیـــن العـــــــلا الفاحت حمیـــــــه
***
یدهری العله افوادی اتدوس وتراک
وَتـِرماشوف الـــــک وترید وتراک
دخلنی ابغــــــــیراذه للعصر وتراک
دلیلی ابلا عصر یلخـــنت بیـّـــــــه
***
مایوم بـــــــــــوصــل فتنه وفتنه
وهواها النه انجعــل فتنه وفتنه
الوصل فتنه الهــوی فتنه وفتنه
فتنه ولا تبیح ابوصـــــــل هیه
میثم العنبری 
